XORNADA DE BIBLIOTECAS ESCOLARES

 Este sábado 9 de novembro, tivo lugar en Santiago de Compostela a Xornada de Bibliotecas Escolares de Galicia, un lugar de encontro onde diferentes centros educativos comparten as súas experiencias co fin de mellorar a calidade das Bibliotecas.

Como representación da nosa escola acudiu a Coordinadora de biblioteca para tomar nota de todas as actividades tan chulas e os programas de innovación que parten da biblioteca como a radio escolar ou actividades relacionadas co teatro e as novas tecnoloxías, entre outras ideas xeniais.

DÍA INTERNACIONAL CONTRA A VIOLENCIA E O ACOSO ESCOLAR

O 7 de novembro é o Día Internacional contra a violencia e o acoso escolar, polo que dende a biblioteca queremos facervos unha recomendación lectora moi interesante.

Trátase do libro "Invisible" de Eloy Moreno, que podedes atopar na letra M na sección verde. 

Conta a historia dun neno que sufre acoso escolar por parte dun compañeiro, e pouco a pouco vai pasando a ser invisible, pois ninguén se da conta de que existe, ata que ocorre algo terrible un día, que o cambia todo.

Se sufres acoso non cales, avisa aos teus pais, á túa mestra... e se tes medo podes deixar unha nota no punto laranxa que está na entrada do colexio, fronte á biblioteca, ou incluso podes facelo na web do cole, neste enlace

https://www.edu.xunta.gal/centros/ceipdevilaverde/node/333

E ti, sé valente, non sexas acosador!

CONTANDO CONTOS POLAS AULAS

 Ademais dos contos no recreo, a mestra Pachú está indo polas aulas estes días a contar contos marabillosos.

Incluso o material de apoio é feito por ela. Unha artista!

SAMAÍN

 Xa chegou o Samaín e con el unha chea de terroríficas historias de medo que podedes atopar na nosa columna temática da biblioteca. 

A que estades agardando para vir? 

Pero coidado, hai seres que dan moito medo agochados tras os libros. 

OBRADOIRO DE FOLLAS

Pero que cousas tan chulas nos trae a profe Susi nos recreos de biblioteca! Nesta ocasión ca axuda tamén da profe Susana. 

Hoxe tocou un marabilloso obradoiro de follas. Mirade que fermosas lles quedaron.

Que viva o outono!

KOHA

 Sabedes que programa usamos para emprestar os libros aos máis cativos do cole?

Pois é un programa que se chama KOHA e que substitúe ao antigo Meiga. 

Ademais de usar as mestras e mestres para o empréstito semanal á nosa aula, tamén o empregan as nenas e nenos axudantes de biblioteca no tempo de recreo.

Aquí os podedes ver en acción! Moito traballan estes rapaces!

CONTACONTOS NO RECREO

 Hoxe tivemos a gran sorte de que a mestra Susi nos trouxo un contacontos para a hora do recreo.

Nada máis e nada menos que o libro "A figueira de pelostortos".  Un libro que podedes atopar na sección amarela, onde hai contos tan chulos coma este. 

Ademais de contar o conto, as nenas e os nenos asistentes realizaron unha dramatización, dando boa conta do que lles gustou o libro. 

Deixámosvos aquí un vídeo do libro por se vos gusta e vos animades a levalo para casa para lerllo ás vosas familias.