BUZÓN DE PROPOSTAS LECTORAS

Incorporamos na biblioteca de Lampi un buzón de propostas lectoras para aqueles rapaces e rapazas que queiran suxerirnos algúns libros para ter na biblio. É moi sinxelo: colledes un papeliño, anotades o título, metédelo no buzón e... maxia!! O libro aparecerá con moitas ganas de que alguén o colla para ler. Na imaxe podedes ver a varios alumnos e alumnas de 5º que foron polas aulas explicando o funcionamento do buzón de propostas.

TALLER DE FLORES

Hoxe na biblioteca fixemos flores con papel seda, para continuar coa decoración primaveral.

21 DE MARZO DÍA DA POESÍA

Coa chegada da primavera coincide o Día da Poesía, polo que decidimos mesturar as dúas festividades e facer flores poéticas. Mirade que alegría lle demos á entrada e ás paredes do exterior da biblioteca!!

XOGOS DE MESA NA BIBLIOTECA

Comezamos o luns con xogos de mesa na biblioteca e nesta caso tocou o "xedrez" e a "oca". Pouco a pouco iremos incorporando novos desafíos aos pequechos, cal será o seguinte?

8 M: Día Internacional da Muller

Xa temos colocado o novo recuncho do Día Internacional da Muller. Deixámosvos uns exemplos de libros por se queredes traballar algunha idea cos vosos fillos e fillas. Esperamos que vos sexa de utilidade!

VISITA DE ORBIL

Hoxe tivemos a visita de ORBIL, a mascota do Salón do Libro Infantil e Xuvenil de Pontevedra. Aos nenos e nenas do centro encantoulles, polo que seguro que están desexando volver a velo.

DÍA DA PAZ

Xa temos preparado o rincón da biblioteca para coller libros da Paz.