PINTACARAS

 Unha actividade que tivo gran éxito nos nosos recreos de biblioteca foi o pintacaras.

Daba gusto velos tan fermosos e felices cun pouquiño de pintura. 

ESCOLA DE FAMILIAS

 

Dende a ANPA organizaron unha charla con Lucía Pereda, que se celebrou na biblioteca do centro, sobre a prevención do acoso escolar. 

Nesta charla participaron moitas familias e todo o profesorado. NON ao acoso escolar!

VILAVERDIÑO

Dende o equipo de biblioteca encargámonos de deixar ben guapo a Vilaverdiño no seu día grande. E non podía ser doutro modo, tiña que ir de Director de cine.

Queremos darlle as grazas especialmente ao noso conserxe Paco que nos axudou a facer a armazón, e os nenos e nenas do cole que decoraron tan ben ao noso galo Vilaverdiño.

 

PROXECTO DE CINE

Dende biblioteca repartimos libros que foron feitos película, para traballar o noso proxecto sobre cine, e os nenos e nenas de 3 anos organizaron unha sesión de cine, con palomitas incluídas. 

Que ben o pasaron!

 

BIBLIO EN PAZ

Con motivo da festividade do Día da paz e da non violencia, como xa é habitual na nosa biblioteca, ofrecemos libros relacionados coa temática decorando o noso recuncho de conmemoracións. 

E a profe Susi no recreo realizou unhas actividades moi chulas como contacontos, taller de palomiñas da paz..

E tamén realizamos unha actividade todo o centro para dicir NON á violencia e SI á convivencia en harmonía. 

MOCHILAS VIAXEIRAS

Chegaron novas mochilas viaxeiras ao noso colexio dende Bibliotecas Escolares de Galicia, co fin de que leamos en familia. 

Novas aulas animáronse a participar e xa son 51 familias máis este curso as que poden gozar desta actividade tan chula. 

LECTURAS DE NADAL