ACTIVIDADE LETRAS GALEGAS

Hoxe no recreo estivemos facendo unha actividade sobre Luísa Villalta, para coñecer un pouco mellor á homenaxeada no Día das Letras Galegas.

DÍA DAS LETRAS GALEGAS

LUÍSA VILLALTA É A ESCRITORA HOMENAXEADA ESTE ANO POLAS LETRAS GALEGAS.

Recoñecida sobre todo como poeta, conta cunha ampla produción literaria noutros xéneros para os que realizou aportacións fundamentais. A Real Academia Galega destacou que Villalta "foi a creadora dunha obra única e sólida que a convirteu nunha das grandes figuras da literatura galega surxida na segunda mitade dos anos 80 e principios dos 90". Ademáis foi unha defensora incansable da nosa lingua e cultura. 

A BIBLIOTECA DE LAMPI XA TEN UN ESPACIO DEDICADO A ELA.

APADRIÑAMENTO LECTOR

Para celebrar o "Día do Libro" non podíamos facer outra cousa que potenciar un pouquiño a lectura. Neste caso, vemos como varios alumnos e alumnas de 3º e 4º de Educación Primaria lles len uns contos aos pequenos e pequenas de Educación Infantil e 1º de Educación Primaria. 

Como dixo Miguel de Cervantes: "El que lee mucho y anda mucho, ve mucho y sabe mucho".

DÍA DO LIBRO

Mañá, 23 de abril, celébrase o "Día do Libro" e na biblioteca de Lampi temos preparada unha exposición de contos de Miguel de Cervantes. 

Pasade pola biblio e botádelle unha ollada, que seguro que vos resultan interesantes.

FELIZ DÍA DO LIBRO

BUZÓN DE PROPOSTAS LECTORAS

Incorporamos na biblioteca de Lampi un buzón de propostas lectoras para aqueles rapaces e rapazas que queiran suxerirnos algúns libros para ter na biblio. É moi sinxelo: colledes un papeliño, anotades o título, metédelo no buzón e... maxia!! O libro aparecerá con moitas ganas de que alguén o colla para ler. Na imaxe podedes ver a varios alumnos e alumnas de 5º que foron polas aulas explicando o funcionamento do buzón de propostas.

TALLER DE FLORES

Hoxe na biblioteca fixemos flores con papel seda, para continuar coa decoración primaveral.

21 DE MARZO DÍA DA POESÍA

Coa chegada da primavera coincide o Día da Poesía, polo que decidimos mesturar as dúas festividades e facer flores poéticas. Mirade que alegría lle demos á entrada e ás paredes do exterior da biblioteca!!